Uteun Tajaga Broeh Ta Peugleh
(Oleh :
Fuady Keulayu)
Peuhaba
rakan nyang that meutuwah
Saleum lôn
keubah bak mandum gata
Beuneupeumeu’ah
nyoe teulanjô lidah
Bek ban
kasalah gadöh syedara
Bak urôe
minggu uloen seuk langkah
Meusampoe
leupah dalam glé raya
Sira loen
eu-eu peumandangan ceudah
pucoek gle
mirah sayang leupah na
Haté
teukeujôt rakan meutuwah
Habéh dum
rubah kayèe lam rimba
Diplah keu
papeun hana soe teugah
Dijak
peulupah publoe u luwa
Haté that
seudéh han kutoeh peugah
Di aneuk
tiwah umpung tan lé na
Uteun di jak
töt lampôh peuluwah
That rayeuk
salah hana dikira
Beu na
tajaga rakan meutuwah
lam bumoe
Allah kön tanyoe saja
beuna
tahiroe beugöt ta papah
uteun ta
kubah nyak göt udara
Tapula laen
meunyoe ka ta cah
beu
bagah-bagah seugôhlôm tuha
Singöh oeh
maté na peu takubah
le that
faedah sibak kayèe raya
Peuseulamat
uteuen rakan meutuwah
Mangat bèk
bagah beuncana teuka
Udara jih
gléh durui meulumpah
Oeh ujeun
jiprah meutheun ie raya
Bèk that
tajak kôh kayèe peurubah
Teuka musibah
geutanyoe nyang jra
Tanoeh habeh
brue ungkheu hana lé
Peureudè
maté uteuen meurana
Budaya böh
brôh beuna tapapah
Bèk
beurangkahoe neujak geulawa
Oeh lheuh
seumajoeh lagèe keureutah
Conto
tapeugah bèk neutiek pat nyang hawa
Alam tajaga
lingkungan beugléh
Meunan hai
waréh tapeubiasa
Mangat oeh
ta eu beuna neu patéh
Udara
beurséh seugar lam dada
Seubagoe
peusan rakan loen tuléh
Geulantoe
kuwéh neucuba rasa
Neutulông
jaga uteuen bèk habéh
Rakan ngön
waréh mandum syedara
Banda Aceh,
2011